Tafelmalerei

As Daafelbild wird in dr Bildende Kunst e bildligi Daarstellig uf eme flache, feste Materiaal wie Holz, Doon, Metall, Elfebäi bezäichnet. Im Geegesatz zur Wandmoolerei wird si nid diräkt uf e mineralisch Grund von ere Wand gmoolt.

Bi aagmooltem Mobiliar reedet mä im Allgemäine vo Daafelmoolerei, wenn es sich um Verzierige handlet (Dekorazioonsmoolerei) und au, wenn die aagmoolte Elemänt äigeständigi Bildwärk si, wie bim ene Altarblatt oder eme Bild uf eme Moolbrätt, wo s Daafelbild im äigentlige Sinn isch, e Bild „uf Holz“).

Bim Aamoole vo dreidimensionaale Objekt wie Skulptuure und Zierläiste reedet mä nid vo Daafelmoolerei sondern vo Fassig, au wenn d Technike verwandt si. Es ghöört zum Wääse vo dr Daafelmoolerei, ass dr Bildgrund eebe und flechihaft isch. Au sött d Flechi eendeer grooss si, sust isch s Miniatuurmoolerei.